БНСУ-ын Үндсэн хуулийн шүүх Ерөнхийлөгч Юн Сок Ёлыг импичлэх шийдвэрийг хэвээр үлдээх эсэхээ шийдэх эцсийн сонсголыг хийх юм. Сонсгол орон нутгийн цагаар 14:00 цагт (Улаанбаатарын цагаар 13:00) эхэлнэ. Үндсэн хуулийн шүүх Юн Сок Ёлын өмгөөлөгч нар болон БНСУ-ын парламентын хуулийн багийн мэдүүлсэн баримтуудыг шалгаж, эцсийн маргааныг нь сонсох юм.
Энэхүү сонсголоор Ерөнхийлөгч Юн Сок Ёл арванхоёрдугаар сарын гурванд цэргийн онц байдал зарлахад хүргэсэн нөхцөл байдлын тухай тайлбар өгөх төлөвтэй байна. Мөн тэр өөрийг нь мөрдөн шалгаж буй Өндөр албан тушаалтны авлигатай тэмцэх газар (CIO) болон прокуроруудын ажиллагаа хууль бус гэж мэдэгдэл гаргаж магадгүй. Үүнээс гадна Юн Сок Ёл цэргийн онц байдал зарлаж, улс төрийн үймээн үүсгэсэндээ ард түмнээсээ уучлал гуйх эсэх нь хүмүүсийн анхаарлыг татаад байна.
Харин Үндэсний ассамблейн хуулийн багийн гишүүн, сөрөг хүчний Ардчилсан намын хууль тогтоогч Жун Чун Рай Юн Сок Ёлыг яагаад албан тушаалаас нь огцруулах ёстой талаар мэдэгдэл хийх юм. 
Эх сурвалж: Korea Times
