Одоогийн Ангараг гараг маш хуурай, цацраг идэвхийн өндөр түвшин бүхий гадаргуутай. Гэхдээ тус гараг нэгэн цагт далай болон элсэн эрэгтэй байсан гэдгийг шинэ судалгаа харуулжээ.
Өмнөх судалгаанууд Ангараг дээр үүссэн хөндийнүүд болон тунамал чулуулгийн шинж чанаруудад дүн шинжилгээ хийж байсан юм. Тэдгээр судалгаа өнгөрсөн үед Улаан нүдэн гараг гол мөрөнтэй байсан байж магадгүй гэдгийг харуулсан. Харин эрдэмтэд Ангарагийг далай тэнгистэй байсан эсэх дээр маргадаг байсан юм.
Тэгвэл одоо судлаачид Ангараг далайтай байсан гэдгийг илтгэх шинэ баримт илрүүлжээ. “Proceedings of the National Academy of Sciences” сэтгүүлд нийтлэгдсэн судалгаанд бичсэнээр бол эрдэмтэд булагдсан байдалтай элсэн эрэг олсон байна. Тэрхүү судалгааг хийсэн эрдэмтэд БНХАУ-ын Журон роверын цуглуулсан дүрс мэдээлэлд дүн шинжилгээ хийж явуулсан юм. Судлаачдын хэлж буйгаар тэдний илрүүлсэн зүйл нь дэлхийн далайн эргүүд дээр ажиглагддаг тогтоцтой ижил байжээ. 
Эх сурвалж: The Guardian
