Монгол Улсын зөгийн аж ахуйн салбарыг хөгжүүлэх зорилгоор ЖАЙКА олон улсын байгууллагатай хамтран хэрэгжүүлэх 3 дахь шатны төсөл хэрэгжихээр боллоо.
Төслийн удирдагч Акиёо Нишияама, төслийн ажилтан Майко Мори, Д.Ууганбаяр нарыг Хүнс, хөдөө аж ахуй, хөнгөн үйлдвэрийн Судалгаа хөгжлийн төвийн захирал Б.Батхүү хүлээн авч уулзлаа. Төслийн багийнхан BeeDep-3 буюу “Зах зээлийн баримжаатай зөгийн аж ахуйг хөгжүүлэх” төслийг 2025-2027 онд Дархан-Уул, Сэлэнгэ, Булган аймагт хэрэгжүүлэх юм байна.
Төслийн хүрээнд дээрх аймгуудын зөгийчдийг чадавхижуулах, зөгийн балны зах зээлийн эрэлт хэрэгцээнд дүн шинжилгээ хийх, зөгийн бал үйлдвэрлэлийн үйл ажиллагаанд нь дэмжлэг үзүүлэх замаар зөгийн балны борлуулалтыг нэмэгдүүлэх чиглэлээр ажиллахаар болсон юм. 
