Хөдөө аж ахуйн бирж ТӨХХК-ийн гүйцэтгэх захирал Х.Отгонбаяр тэргүүтэй удирдлагууд “Монголын ноосон бүтээгдэхүүн үйлдвэрлэгчдийн холбоо” болон “Монголын арьс ширний үйлдвэрлэлийн холбоо”-ны төлөөлөлтэй уулзалт зохион байгууллаа.
Уулзалтын үеэр Хөдөө аж ахуйн биржийн мэргэжилтнүүд малын гаралтай түүхий эдийн боловсруулах үйлдвэрлэлийг дэмжих “Цагаан алт” үндэсний хөдөлгөөний хүрээнд хийж хэрэгжүүлж буй ажлаа танилцуулав.
Биржийн мэргэжилтнүүд малын гаралтай түүхий эдийн борлуулалт, боловсруулах үйлдвэрлэл, экспортыг нэмэгдүүлэхэд Хөдөө аж ахуйн бирж, хоршоологчид хоороондын нягт уялдаа холбоо чухал үүрэг гүйцэтгэнэ гэдгийг онцлов. Тухайлбал, түүхий эд нийлүүлэх тогтолцооны гол шат дамжлага болох хөдөө орон нутаг дахь стандартын шаардлага хангасан агуулахыг хэрхэн ашиглах талаар үйлдвэрлэгчидтэй санал солилцлоо. 
Мэргэжлийн холбоодын зүгээс “Цагаан алт”, “Шинэ хоршоо” хөдөлгөөний хүрээнд түүхий эд бэлтгэлийн сургалтыг зохион байгуулахад холбоодын төлөөллийг оролцуулах саналаа илэрхийллээ.
Уулзалтын үр дүнд ХААБ салбарын мэргэжлийн холбоодтой хамтран ажиллах санамж бичиг байгуулав.
