Финландын Ерөнхийлөгч Александр Стабб даваа гарагт /2025.02.24/ хэлэхдээ хэрвээ ОХУ-ын Ерөнхийлөгч Владимир Путин Украинд хожвол АНУ ялагдана гэжээ. Тэр дайн эхэлсний гурван жилийн ойн өдрөөр Киевт айлчлахдаа “Украин дахь дайн нь дан ганц Украины тусгаар тогтнол, бүрэн эрхт байдал, нутаг дэвсгэрийн бүрэн бүтэн байдлын тухай биш юм. Үүн дээр нэмэгдээд Европын аюулгүй байдал мөн Америкийн манлайллын тухай билээ” гэж хэлсэн юм.
Доналд Трамп албан тушаалаа хүлээн авсны дараа АНУ болон Европын харилцаанд тодорхойгүй байдал үүссэн. Тэрбээр анх ерөнхийлөгчөөр ажиллаж байхдаа НАТО-гийн гишүүд батлан хамгаалахын салбартаа зарцуулдаг мөнгөө ихэсгэхгүй бол АНУ-г тус холбооноос гаргана гэж сүрдүүлж байсан юм. Стабб НАТО холбооны бат бөх байдлын талаар санаа зовохгүй байна гэжээ.
Тэрбээр “Бид НАТО-гийн ОХУ-тай хиллэдэг хилийг хоёр дахин нэмэгдүүлсэн. Бид Европ дахь хамгийн том зэвсэгт хүчинтэй орнуудын нэг… Хэрэв Путин энэ дайнд хожсон гэж хүмүүс бага ч гэсэн бодож байвал АНУ ялагдлаа гэсэн үг. Ийм учир бид үүнийг эцсийг нь үзэх хэрэгтэй” хэмээсэн байна. 
Эх сурвалж: Reuters
https://eguur.mn/
