Чингэлтэй, Сүхбаатар дүүргийн ЖДҮҮ эрхлэгч эмэгтэйчүүд зөвлөлдлөө
Нийслэлийн ИТХ-ын дэргэдэх Эмэгтэйчүүдийн зөвлөлөөс энэ сарын 25-ны өдрөөс эхлэн “Нийслэлийн жижиг, дунд үйлдвэрлэл, үйлчилгээ эрхлэгч эмэгтэйчүүдийн уулзалт зөвлөгөөн”-ийг зохион байгуулж байна. Уг зөвлөгөөн өнөөдөр Чингэлтэй, Сүхбаатар дүүрэгт үргэлжиллээ. Зөвлөгөөнд дээрх хоёр дүүргийн ЖДҮҮ эрхлэгч 100 орчим эмэгтэй оролцсон юм.
Нийслэлийн хэмжээнд жижиг, дунд үйлдвэрлэл, үйлчилгээ эрхлэгч 43.300 орчим иргэн байдаг. Үүний 70 орчим хувь нь эмэгтэйчүүд бөгөөд ЖДҮҮ эрхлэгч эмэгтэйчүүдийг дэмжих үүднээс энэхүү зөвлөгөөнийг зохион байгуулж байна. Мөн цар тахлын нөхцөл байдал ЖДҮҮ эрхлэгчдийн үйл ажиллагаанд хэрхэн нөлөөлсөн, улмаар дэмжих бодлогыг хэрэгжүүлэх нь зөвлөгөөний зорилго юм. Зөвлөгөөний үеэр Нийслэлийн ИТХ-ын дэргэдэх Эмэгтэйчүүдийн зөвлөлийн дарга, төлөөлөгч Б.Мягмар “Ирэх онд “Эмэгтэйчүүдийн оролцоо нийслэлийн хөгжилд-2022” чуулга уулзалтыг зохион байгуулна. Тиймээс энэхүү чуулганы урьтал болгож нийслэлийн жижиг, дунд үйлдвэрлэл, үйлчилгээ эрхлэгч эмэгтэйчүүдийн уулзалт зөвлөгөөнийг зохион байгуулж байна. Зөвлөгөөнд оролцож байгаа эмэгтэйчүүд жижиг дунд үйлдвэрлэл үйлчилгээ эрхлэх сургалт зохион байгуулах, хоорондоо туршлага солилцох, хоршоолол болон ажиллаж үйл ажиллагаагаа тэлэх зэрэг саналуудыг хэлж байна. Эдгээр саналыг нэгтгэж, шийдвэрийн төсөл боловсруулахад тусгана” гэдгийг онцоллоо.
“Нийслэлийн жижиг, дунд үйлдвэрлэл, үйлчилгээ эрхлэгч эмэгтэйчүүдийн уулзалт зөвлөгөөн”-ийг маргааш буюу 12 дугаар 28-ний өдөр Баянгол, Сонгинохайрхан дүүрэгт тус тус зохион байгуулна.
Нийслэлийн ИТХ-ын ХМОНХТ
Сэтгэгдэл бичих
Сэтгэгдэлүүд
Төстэй мэдээлэл
-
-
6-р сарын 03 УИХ-ын сонгуульд нэр дэвшиж ба...
УИХ-ын сонгуульд нэр дэвшиж байгаа 6 хүн тутмын нэг нь хурда...
-
2-р сарын 22 Орон нутгийн хөгжлийн сангийн...
Нийслэлийн болон дүүргийн Орон нутгийн хөгжлийн сан (ОНХС)-г...
-
2-р сарын 23 “Нэг хаалга-Нэг шинжилгээ”-ний...
Нийслэлийн Засаг дарга бөгөөд Улаанбаатар хотын захирагч, Н...
-
2-р сарын 23 Ашиглалтын шаардлага хангахгүй...
Хот байгуулалт, хөгжлийн газраас нийслэлийн Засаг даргын 201...
-
2-р сарын 24 Д.Сумъяабазар: Жижиг, дунд үйл...
Нийслэлийн Засаг дарга бөгөөд Улаанбаатар хотын захирагч Д.С...
