Өнгө тохируулах

“ЭРДЭНЭС МОНГОЛ” ХХК ШИЛДЭГ 100 АЖ АХУЙН НЭГЖИЙН НЭГЭЭР ШАЛГАРЛАА

“ЭРДЭНЭС МОНГОЛ” ХХК ШИЛДЭГ 100 АЖ АХУЙН НЭГЖИЙН НЭГЭЭР ШАЛГАРЛАА

Монгол Улсын Засгийн газар, Монголын худалдаа аж үйлдвэрийн танхимтай хамтран Монголын ТОП-100 аж ахуй нэгжийг шалгаруулах арга хэмжээг 19 дэх жилдээ уламжлал болгон зохион байгууллаа. Энэхүү арга хэмжээ коронавирус цар тахлын тархалттай холбоотой энэ жил анх удаа цахимаар болж өндөрлөлөө.

Монголын эдийн засгийг эрчимжүүлэхэд үнэтэй хувь нэмэр оруулсан шилдэг 100 аж ахуйн нэгжээр “Эрдэнэс Монгол” ХХК шалгарч 27 дугаар байрт эрэмбэлэгдлээ. Монголын шилдэг 100 аж ахуйн нэгжийг тодруулахдаа тухайн жилийн орлого, улсын төсөвт төвлөрүүлсэн татварын хэмжээ, нийгмийн даатгал төлсөн байдал, цар тахлын хүнд үед ажлын байраа хадгалж чадсан эсэх, компанийн хөрөнгийн хэмжээ зэрэг үндсэн үзүүлэлтийг харгалзан үзсэн байна. 2019 оны ТОП-100 ААН-ийн борлуулалтын орлогын хэмжээ өмнөх онтой харьцуулахад 3.4 их наядаар өсч, 34.3 их наяд хүрсэн нь ДНБ-ий 93 хувь, төлсөн татварын хэмжээ өмнөх жилээс 54 хувиар өсч, 6.3 их наяд төгрөгт хүрсэн нь татварын нийт орлогын 65 хувьд хүрсэн үзүүлэлттэй байна. Монгол Улсын Засгийн газар, Монголын худалдаа аж үйлдвэрийн танхим болон бусад Ажлын хэсгийн гишүүдийн зүгээс цар тахлын хүндхэн үед эдийн засагтаа үнэтэй хувь нэмэр оруулсан “Эрдэнэс Монгол” ХХК болон түүний охин компаниудад онцгойлон талархал илэрхийлсэн юм.

Сэтгэгдэл бичих




Сэтгэгдэлүүд


2017 оны арванхоёрдугаар сараас www.newsfeed.mn сайтыг эрхлэн гаргаж байна. Мэдээллийг цаг тутам, шуурхай оруулах болсон анхны сайт байснаараа түргэн хугацаанд амжилт олж, өдгөө олон мянган монголчуудын өдөр тутмын хэрэглээ болсон байна.

Улаанбаатар хот

Утас: +976 9999 1111

Мэйл хаяг: contact@newsfeed.mn

Зургийн цомог

    Мэдээлэл авах

    Сошиалд биднийг дагаарай: